قرارات هامة يتخذها الدستوري الحر قريبا

 

 

قرارات هامة يتخذها الدستوري الحر قريبا

 

أهم ما جاء في حوار عبير موسي في برنامج جوهرة اف. ام

✅ اليوم فمّة أجندة سياسية قاعدة تتخدم و نزار الشعري موكول له دور معيّن يستعمل في التمويل الأجنبي و الجمعيات و يحب يحل محل القروي2

✅ أحنا هدفنا عدم تمرير الخديعة مرة أخرى.. يزّي ما خدعوا التوانسة وثورة التنوير متواصلة ورئيس الدولة مطالب بمحاربة الفساد بانواعه

✅ حكومة بودن عطيناها ترسانة من الملفات حول الجمعيات المشبوهة.. كان الدولة مش بش تتحرك.. الدولة تصبح متواطئة و بش نقاضيوها دوليا

✅ الدولة متسترة على الإرهاب على إثر الوقفة الإحتجاجية إللي نظمها الحزب الدستوري الحر ضد القرضاوي و فمّة عملية اضطهاد ممنهجة على فئة معيّنة من الشعب التونسي والخوف ان يتم تصنيف تونس دولة راعية للارهاب

✅ وصلتنا تهديدات بالقتل و تحريض على شخصي عبر ارسالية قصيرة لمجدي بوذينة من أحد المساندين لقيس سعيد لكننا لا نعرف الخوف والقانون فوق الجميع

✅ وقت يحبّوا يبعدوا الحزب الدستوري الحر يجيبوا “الضراير” إللي عاملين مصالحة مع الخوانجية و هم في الحقيقة لا علاقة لهم بالفكر الدستوري إللي يقطع مع المتاجرة بالدين الاسلامي وتشويهه من طرف الاخوان صنيعة المخابرات الاجنبية

✅ ما خرجناش نهار 25 جويلية خاتر الدعوات كانت خفيّة وزيد فمّة الكورونا و أحنا حزب سياسي يمتثل للقوانين و الإجراءات.. لو كان خرجنا نهارتها راهم حلّو الحزب و راهم طبّقوا علينا القانون خاتر خرقنا الحجر الصحّي متع الكورونا والشعب يعلم اننا نحترم القانون والذين خرجوا يوم 25جويلية يعلمون ان الدستوري الحر هو الذي كشف لهم تجاوزات البرلمان

✅ أحنا ساندنا فرحة التوانسة يوم 25 جويلية و قلنالهم ردّوا بالكم ما تفرحوش فيسع و ما تتغشوش فيسع و رانا صمام الأمان والشعب التونسي على علم باننا كشفنا اساليبهم للعموم

✅ نهار إللي أعلن رئيس السلطة القائمة على 17 ديسمبر في عوض 14 جانفي وقع خلع مقر الحزب في سيدي بوزيد لذلك سيتم الاحتفال بذكرى ثورة  18جانفي1952 العيد الذي يحترمه الشعب التونسي لانه تاريخ مرتبط بالاستقلال والشهداء في سبيل الوطن على غرار فرحات حشاد والهادي شاكر وغيرهما

✅ وقت بدينا نلمّوا في الإمضاءات لحل البرلمان رئيس السلطة القائمة خذا قرار متع 22 سبتمبر و أحنا لا يمكن أن نزكّي قرارات كيف هكة

✅ رئيس السلطة القائمة ما عندوش الحق يغيّر تاريخ الأعياد الوطنية في وقت التدابير الإستثنائية.. هو استغل تجميع السلط بين ايديه بش يحقق رغبة شخصية وقواعد الحزب الدستوري يريدون الاحتفال بثورة جانفي  في كل المعتمديات ومازلنا ندرس مشروع الاحتفالات الشعبية

✅ احنا كشفنا علاقة نوفل سعيد كقيادي في رابطة تونس للثقافة و التعدد اللي يراسها حميدة النيفر منظر اليسار الإسلامي و قاعدين يروّجوا لمشهد سياسي تحت سقف الثورة و هذاكة علاش يحبّوا يصنعوا لهم ثورة رغم ان الشعب التونسي تاكد انها مؤامرة خارجية مع خيانة داخلية

✅ فمّة توجه نحو تدخل إيران و الأجندة الإيرانية ستعوّض أجندة الغنوشي و بدينا نسمعوا في الفكر الشيعي في تونس وهذه الاجندة ستفشل لان الشعب يرفض استعمال الدين مهما كان المذهب

✅ يحبٌوا يحلّوا مشكلة التمويل بالتمويلات الإيرانية

✅ ايران غيّرت النظام السياسي وقت الثورة الخمينية عبر الإستفتاء و الحشد الشعبي و الشباب والحرس الثوري و اليوم في تونس يحبٌوا ينسجوا على النموذج الإيراني

✅ السؤال: هل سيهدي تونس للثورة الإيرانية.. معناها عندنا أخطبوط اخواني و جمعياتي و زيد اليوم المدّ الإيراني و هذا خطير جدا..

✅ اليوم إللي قاعد يتعمل الكل غير قانوني.. ما تنجّم تحكم بالمراسيم كان في حالة حل البرلمان و رئيس السلطة القائمة يعمل في حرابش و Doliprane للشعب التونسي

✅ سنقاضي رئيس السلطة القائمة على استعمال المال العام في مشروعو الشخصي …المنصات.. الإستفتاء…فقد تم اهدار المال العام في مشروع المجلس التاسيسي الذي انجز دستورا كارثيا ونظام سياسي تسبب في نشر الارهاب وافلاس الدولة وتفشي الفساد  

✅ ما عندناش عركة شخصية مع رئيس السلطة القائمة.. كان جاء ماشي في الطريق الصحيح رانا ساندناه وكان بامكانه اتخاذ قرارات في نطاق الديمقراطية والدستور وتكون قرارات لفائدة الشعب والدولة

✅الدساترة الاوفياء للوطن والفكر الدستوري  يساندون الدستوري الحر وسيساهمون في اعادة بناء الدولة مستقبلا واصلاح ما تم تدميره في العشرية السوداء